對上一次寫日記與今次剛剛相隔了十日，好多人都問我依十日去左邊，我邊度都冇去度，只係氣管炎同感冒一齊黎，所以每日都係訓！！醒左食藥再訓再醒再訓，連續十日！！！咁中間緊係有清醒既時間，不過都係訓係張床度懶，都係當訓緊算囉。豬豬神已經降身係我身上啦！我就是人見人愛、車見車載、棺材見到都打開蓋既睡之豬豬神啦！！
難得今日唔係咁眼訓，對住腦爺子係度發呆，見到自己足足十日以上冇更新過，心郁郁想畫畫，但係大腦便秘的情況下連畫個圓圈都畫不成！！！係無所事事既情況之下，我既慣病又出現啦….改啊改，其實改版改版，改黎改去都係咁，只係個版面唔同左之嘛！每次都係咁同自己講，改咩姐，改左同冇改有咩分別呢？不過硬係手仔痕痕係要ｒ下先安樂，就係咁，今日又改左版囉。
日日係度聽許詔洋既花香同邱澤既你知道我愛你！！中左電視劇主題曲毒添！薰衣草真的很好看呢！
依排身體都好差，感冒一直都好唔到，可能感冒先生已經深深咁愛上左我掛…
星期五那天是回醫院覆診的日子，因為最近訓得唔好，仲好似失眠咁，醫生就話同我轉藥，點知轉左真係好好訓啊，仲係訓到不醒人事果隻添！連結訓左廿幾個鐘啊，唔去訓個人又會見暈喎…唉…
大腦仍然持續性閉塞中，真係有咩辦法可以通通佢呢…..
織織復織織，木蘭當戶織．．．古有木蘭織唔知乜，今有小女人織毛衣頸巾。每一位幸福小女人係冬天都一定有機會做既手部運動！努力地織啊織～感動一下心中的他，令他有一個溫暖的寒冬，雖則買現成的更快更方便，但是人家就是想溫柔一下嘛！就讓我做一個幸福小女人～
今日肚仔痛，大事不宜，暫且收筆～請啊～～～
唔知點解訓極個人都仲好累，咪咪話我仲未病好，成日都係度提住叫我一放完公眾假就要再去睇醫生，佢仲話我依幾日個人係咁漲，叫我唔好飲咁多水，但係人地好口渴啊嘛！依兩個星期日日都飲十五六杯水，不過就冇咩廁所去，咪咪話我水腫喎！腫到變左隻豬！仲要係懶訓果隻添！！！灰ing……
有咩辦法可以通一通大腦便秘呢！？最近大腦唔知點解突然間就塞左！諗到少少又諗唔得多，個人又變到好無記性，剛剛放低ｄ野轉個頭又要週圍搵！唔通真係病到傻左？定係患上左少年（！？仲少）痴呆症乎！嗚呼哀哉～～～
好想好想好想好想睇『通靈王』既動畫啊～～～～～～～（回音ing）！依兩日係度不停咁睇緊『海賊王ONE PIECE』既動畫，兩個字～超正！！雖然唔係好聽得明日文，不過都有中文字幕，好過聽亞視既配音。唔係話佢地既配音唔好，不過嘛….都係聽返日文感覺好好多～～～
唔知係我發燒定係出疹，塊面紅到成個蘋果咁，痕但係又唔可以ｒ喎，好慘啊！已經成兩個星期啦～～～咪咪仲係度講，依家好似好流行登革熱喎，我豬仔仲過份又無常識，佢居然話「你唔好野埋我添喎」！乜登革熱可以就咁人對人傳播架咩？係好痕好痕但係又唔可以ｒ佢的情況之下，唯有係咁洗白白，一日沖四五次涼，遲早洗到我甩皮……
昨日去左和合石拜山，因為怕重陽果日會多人，點知今日都冇人去既，靜英英咁，仲冇封路添啊，可以坐的士上去唔駛行，好好彩走果陣又有的士，唔係就要行出去等巴士囉！因為我同牛牛兩個行路好慢，如果就咁行出去都要差唔多半個鐘啊！
依兩日都好少對住個電腦都係食左藥就休息，其他時間都係畫草稿多，好努力咁學緊畫 CG，不過好多都唔見得人呢！廢紙的數目比起成功畫起線稿的數目高出 N 咁多倍，真係覺得自己唔掂！
突然有種想讀返書既衝動，心中既果一團火又開始燒到熊熊聲，不過仲未開始行動，亦都唔知學咩好，我諗今次依團火都好快會熄囉～呵呵
連續發左好多日燒，雖然唔係高燒但係都好唔舒服，個身仲出埋紅疹又痕又腫，豬仔好衰咁話：「你都似係登革熱架啦～唔好行咁近我。」勁～～～～ｈｕｒｔ啊
因為唔舒服的關係，完全冇晒心情畫畫，頭痛到咩都唔想做，唔知係發燒的關係定係天氣變的關係（姓懶乎！？），大腦努力地閉塞中！！成個人好似阿呆咁只係差左條鼻涕！
今日係好朋友星星糖生日，祝佢生日快樂！！
今日晏晝咪咪休息，她帶了我去剪頭髮，就在我住的那一幢某層的家庭式飛髮舖理髮，只是四十大元便修了一個美美的頭髮。另外還在樓下商場的日本化妝品水貨店買了十八蚊的染髮劑，染髮後一點都沒有乾旱的感覺，頭髮還閃閃發亮，真是物超所值呢！
最近都沒有什麼特別事，無無聊聊地過，今日又是一個無聊的日子，都是在畫畫。
這數天在玩了一隻舊的遊戲，叫明星志願 2000，將一個男生養成一個明星，三年內可以做任何工作，更可以追女生！雖然我對追女生沒有多大興趣，但為了取得不同結局而繼續努力中！
今日係國慶日，不過我忘記了，到晚上和朋友傾電話時，才知道是公眾假期而且有煙花看！在電視上看到今次有些心型的圖案，很美耶！自從我生病以後已有一段日子沒有工作，整天都在家遊閒，變得沒有時間觀念了！基本上星期一或星期日對我來說也一樣，更何況是公眾假期呢！
記得在小時候，每年的農曆年初二都會到住在香港區的公公家過年，在他的家天台能夠很清楚的看到煙花，當年和表兄弟姊妹會在天台玩鑽地龍啊～仙女棒啊～跟著再看煙花！現在看不到了，因為天台都鎖起來。
今日用左好幾個唔同的軟件和工具畫畫，努力嘗試中！原來 FLASH 的畫筆工具好用過鉛筆工具！呵呵～
因為畫左一日畫好累，而且又很久沒有上RO玩，一時興起入game，但伺服器很慢呢！我還lag死了兩次！整個人灰晒～
Uhome 終於整合到我本身用緊的 02 伺服器啦！本身 Uhome 的空間很不錯喔！但最近 02 很不隱定又常常 lag，迫於無奈下暫借了朋友的空間使用，現在終於可用回 Uhome，真好！我其實很喜歡Uhome那個網址喔～～～
